Äigitavlu
- Kišto álgá: čohčâmáánu 1. peeivi
- Kišto nohá: čohčâmáánu 30. peeivi
Almugijkoskâsii kišto njuolgâdusah
- Kove almostittoo Wikimedia Commons tuhhiittem ávus kulttuurlisenssáin (Creative Commons Noomât-JyeviSiämmáánáál 4.0 tâi ávusubboin). Wikimedia Commons -palvâlus lii Wikimedia Foundation ávus kovepaŋkki. Koveh siäiluh tobbeen kišto maŋa-uv já láá riijâht kevttimist ávus liiseens iävtui mield.
- Kove lii puáhtám väldiđ kuás peri, mutâ tot lyeđejuvvoo Wikimedia Commonsân kišto ääigi.
- Kovvejum čuosâttâh lii merkkejum kuvvimčuosâttuvâi luvâttâlmân já čuosâttuv puáhtá tubdâđ kooveest.
- Kove kalga leđe uásálistee jieijâs väldim.
- Uásálistee miättá adeliđ jieijâs šleđgâpostâčujottâs Wikimedia Commonsân registeristem ooleest, vâi suin puáhtá väldiđ ohtâvuođâ jis sun máhđulávt vuáittá.
- Suomâ kiišton puáhtá uásálistiđ tuše Suomâst valdum kuvijguin. Almugijkoskâsii siijđost láá čaittum eres riijkâi aalmugliih kištoh, moid puáhtá uásálistiđ toi kuávlust valdum kuvijguin.
- Jury jesâneh, Wikimedia Suomi rs pargoviehâ já stiivrâ jesâneh iä pyevti vyeittiđ palhâšuumijd tâi uásálistiđ almugijkoskâsâš kiišton Suomâ uásikišto peht.
- Kuuvij kuvviidijn ij uážu rikkođ päikkiráávhu, já priivaat kuávlust kuvvimân kalga leđe lope.
- Juryst lii vuoigâdvuotâ heiviittiđ njuolgâdusâid táárbu mield.
Uđđâsist kuvvim
- Uđđâsist kovvejum kove kalga leđe uđđâsist rahtum versio mottoom jo leijee já riijâht kevttimnáál kooveest.
- Historjálii kove já uđđâsistkovvejum kove paarah uásálisteh Suomâ kiišton.
- Uđđâsistkovvejum kovepaarâi uđđâ koveh uásálisteh almugijkoskâsâš kiišton, jis kove lahtoo registeristum kulttuurärbičuosâttâhân.
Huámmáš
Kištokuuvijd heivejeh puoh Wikimedia Commons vátámâšah. Koveh kalgeh leđe tahheevuoigâdvuođâi tááhust ávuseh, ijge toi kevttim uážu raijiđ meiddei ovdâmerkkân čäcimerhâiguin. Meiddei tahheevuoigâdvuođâ vuálásii čuosâttuv, tegu verâttâs kuvvim, tâi kove hiäjus teknisâš kvaliteet pyehtih meiddei tovâttiđ kove hilgum. Luuvâ lase Wikimedia Commons vuáválâšvuođâin.
Kuuvij kevttim
Kištoost koveh vyerkkejuvvojeh Wikipedia kevttim Wikimedia Commons -kovepaaŋkin, kost toh siäiluh kišto maŋa-uv já láá riijâht kevttimnáál ávus liiseens iävtui mield.
Kiišton uásálistee kuuvij tahheevuoigâdvuotâ siäilu kovvejeijest, mutâ koveh lisensistojeh ávus Creative Commons BY-SA 4.0 -lisenssáin. Tot tiptá jyehiđ já mutteđ kuuvijd tain iävttoin, ete kovvejeijee nommâ já kove käldee mainâšuvvojeh já ete derivatiivtyeji lisensistoo siämmáin lisenssáin.
Palhâšumeh
Suomâ kišto vuáittám kove palhâšuvvoo 200 euro čuovâkuvvimtarbâšskeŋkkâkorttáin. Love pyeremus kovveed palhâšuvvojeh Museokorttáin, já toh ovdáneh almugijkoskâsâš kiišton. Uđđâsistkuvvimrááiđu vyeittee uážžu 100 euro čuovâkuvvimtarbâšskeŋkkâkoortâ já Museokoortâ.