Ouddseidd

Wiki Loves Monuments lij meeraikõskksaž sniimmâmǩeâlbb, mõõn riâššât čõhččmannust da koon täävtõssân lij puʹhtted tiõttu vuässõõttijânnmi kulttuuräʹrbbvuõđ. Lääʹddjânnam vueʹssǩeâlbast sniimât suõjjuum põõrtid, väʹlddkååʹddlanji miârkteei raajjum pirrõõzzid, maaiʹlmäʹrbbpaaiʹǩid da arkeolooglaž paaiʹǩid. Snimldõõǥǥid ruõkkât Wikimedia Commons-sijddu, koʹst puk vuäitt friijâld äuʹǩǩeed da muʹtted tõid.

Tän eeʹjj teeʹmm lij Pââʹss päiʹǩǩ. Vuäitak sniimmâd koon täättas ääʹšš leʹbe pääiʹǩ, kååʹtt lij tuʹnne pââʹss leʹbe muđoi sami vääžnai. Puk väʹlddkååʹddlanji registõllum kulttuuräʹrbbpääiʹǩ käunnʼje addrõõzzâst kyppi.fi

Dommjânnamlaž ǩeâlbast lij tõn lââʹssen kueʹhtt rääid, koin sniimât oʹđđest snimldõõǥǥid: väʹlddkååddlaž räidd Läppjum pääiʹǩ da põõrt, koʹst sniimât oʹđđest vuäʹmm snimldõõǥǥid, di Heʹlssen räidd, koʹst sniimât oʹđđest Signe Brander Heʹlssen-snimldõõǥǥid. (Snimldõõǥǥ Ajapaik da Wikimedia Commons). Oʹđđest sniimmâmǩeâlbast uuʹdet ciist kuhttui rääidai hoʹhssjeejumus di jeänmõsân sniimmâm sniimmjid.

Muuʹšt, što privatvuuʹdest ij vuäǯǯ sniimmâd lååʹvtää!

Lääʹddjânnam vueʹssǩeâlb reäʹšše Wikimedia Suomi ry, Museovirasto da Valokuvataiteen museo.

Ǩiõlljåårǧlõʹtti

  • tâʹvvsääʹmǩiõll da aanarsääʹmǩiõl: Neeta Jääskõ
  • nuõrttsääʹmǩiõl: Markus Juutinen
  • ruõccǩiõll: Vasilisa Parland

Jåårǥlõõzz Creative Commons Attribution 4.0 International (CC BY 4.0).

Snimldõk

Teuvo Salmenjoki. https://commons.wikimedia.org/wiki/File:Vanha_voimalaitos.jpgCC BY-SA 4.0