Lääʹddjânnam rääid vuõiʹttjen vaʹlljeeš Ragnar Ljusström toobdâlmâš innsnimlõõǥǥivuiʹm

Maaiʹlm šuurmõs sniimmâm ǩeâlb Wiki Loves Monuments jäʹrjsteš Lääʹddjânnmest čõhččmannust da jeeʹres paaiʹǩin maaiʹlmest 1.9.–31.10.2021. Tän vuâra teeʹmmen leʹjje pääiʹǩ, kook lie härvva. Lääʹddjânnam rääid vuõiʹttjen vaʹlljeeš Ragnar Ljussrtröm snimldõõǥǥeesvuiʹm Pasila hâurrvaunnstääʹljest da Suvilahti gaassǩeâllast.

Pasila hâurrvaunnstääʹlj

Ärvstõõlli miõlâst snimldõõǥǥ geometria lij mooččâd, poojâs-staaʹlji da -čuâkksi mooʹǩǩin lij liikkõs mâʹte veeʹrd joortõõǥǥâst. Ǩeeuʹnǩi da čuõvi kontrastt lij sami šiõǥǥ. Snimldõõǥǥâst lij liikkeemenergia še, da tõt čuäʹjat pääiʹǩ ođđ ǩiõččâmvueʹjjest.

Heʹlssen Pasila haurrvaunnstääʹlj ekka, 27.9.2021, Ragnar Ljusström

 

Suvilahti gaassǩeâll

Iinn seuʹnnjõõzzâst pâjjneei gaassǩeâll ruõʹpsses čuõv lie tuõʹllʼjum fijnnsânji snimldõʹǩǩe da inspirâʹstte miõlljurddi: mii luõmmum aaʹššid põõrtâst käunnʼje? Suâlnõk da čuõv tueʹjjee snimldõʹǩǩe mysteeʹrlaž toobdâlm. Gaassǩeâll fabriikklaž, čiõlgg raajõs da tõn čõõđteei suâlnõk lie õõutâst miõl ǩieʹssi.

Heʹlssen Suvilahti stääʹlest rajjum gaassǩeâll ekka suõʹǩǩes suâlnõõǥǥâst, 11.9.2021, Ragnar Ljusström

 

Cisttân sǩiâŋkk-koort da päiʹǩǩ meeraikõskksaž ǩiõlbbu

Lääʹddjânnam ǩeâlb vuäittam snimldõʹǩǩe uuʹdet 200 eeur sniimmâmaaunâs-sǩiâŋkk-koort. Lååi pueʹrmõs snimldõõǥǥid uuʹdet Muʹzei-koort da tõk mâʹnne ooudâs meeraikõskksaž ǩiõlbbu, koon puättmõõžž õlmstââʹttet täʹlvvmannu da pâʹsslašttâm-mannu jåårǥlõõǥǥâst.

Meeraikõskksaž ǩiõlbbu mõʹnne ooudâs Ljusström snimldõõǥǥi lââʹssen čuâvvai sniimmi snimldõõǥǥ:

Ohtakari suâl da kueʹllšiiʹllisijdd Kokkolast, 1.11.2019, Teuvo Salmenjoki

 

Lääʹddlâʹnn, 6.5.2014, Igor Gordeyev

 

Varkaus põʹmmaifabrikk, 24.9.2017, Esko Räntilä

 

Katajannokanluoto loʹhssjeei vaʹhttjempõrtt Heʹlssnest, 30.8.2021, Joneikifi

 

Tampere Duõmmceerkav, Hugo Simberg raajjâm urkukriiʹlc steehlkälkkõs ”Peiʹvvikkân”, 30.5.2018, Ilkka Alavalkama

 

Noormarkku vuäʹmm ruʹvddfabriikk saaʹvjemstrooiʹtel, 22.8.2021, Teuvo Salmenjoki

 

Siltasaarenkatu 13 Heʹlssnest, tueʹǩǩen Kallio ceerkav, 5.9.2020, Marit Henriksson

 

Sigrid Juselius mausoleum Porist, 26.9.2021, Kallerna

 

Oʹđđest sniimmâmrääidast ruõʹǩǩeš kueʹstelm mottjummuž

Lääʹddjânnmest jäʹrjsteš Wiki Loves Monument -ǩeâlb õhttvuõđâst oʹđđest sniimmâmrääid še, koʹst sniʹmmeš oʹđđest histoorlaž snimldõõǥǥi kueʹstlmid. Ǩeâlbast vuâmmšeš jeäʹrben nõmmtiõtt Onkivesj snimldõõǥǥid Sorsakoski fabriikk pââibuž tuâjjpõõrtâst. Snimldõk lij tääʹrǩes čuäjtõs tõʹst, mäʹhtt histoorlaž fabrikkpirrõs lij serddam ânnʼjõžäigga.

Onkivesj, 2021
Victor Barsokevitsch, 1915

Onkivesj -nõmmtiõtt snimldõʹǩǩe uuʹdet 100 eeur sniimmâmaaunâs-sǩiâŋkk-koort da Muʹzei-koort.

Droonsniimmâm lâssnam

57 vuässõõttjed vuõlttee Lääʹddjânnam rääid ǩiõlbbu õhttsiʹžže 859 snimldõkkâd. Taʹnni leʹjje sami mooʹččes droonsnimldõõǥǥ, kooi sniimmji kõõskâst kueʹhtt pieʹsse meeraikõskksaž raiddu. Tän vuâra vuåǯǯuš še määŋg snimldõõǥǥ nåkam kulttuuräʹrbbvuõđpaaiʹǩin, koin ij leämmaž ouddâl snimldõk Wikipediast.

Wikimedia Suomi ry jäʹrjsti ǩeâlb õhttvuõđâst Muʹzeikonttrin da Kerava muʹzeikääzzkõõzzin. Ǩeâlb jäʹrjsteš Lääʹddjânnmest juʹn viiđad vuâra. Täävtõssân lij älšsmâʹtted mieʹldd nuʹtt määŋgas go vueiʹtlvaž da raajjâd kulttuuräʹrbbvuõđ kuâsttjeeʹjen da tobddsen.

Lââʹssteâđ:

  • Kimmo Virtanen, Wikimedia Suomi ry, kimmo.virtanen@wikimedia.fi, +358 44 022 4007