Háliidivččetgo don vuolgit vázzintuvrii, mas govvet Wiki Loves Monumentsa várás?
Wiki Loves Monuments -vázzimiin oahpásnuvvat ovttas báikkálaš kulturárbečuozáhagaide ja govvet daid. Seammás oahpásnuvvat Wiki Loves Monumentsii, máilmmi stuorámus čuovgagovvengilvui, masa sáhttá oassálastit vázzima áigge váldojuvvon govaiguin. Mielde lea guovllu historjjá dovdi oahpis. Vázzimat gullet Eurohpá Kulturbirasbeivviid prográmmii.

Rávvagat iežat Wiki Loves Monuments -vázzima ordnemii

Don sáhtát ordnet iežat Wiki Loves Monuments -vázzima, ležžet de muhtin organisašuvnna, áigeájanasjoavkku dahje vaikko skiberjoavkku ovddasteaddji.

Manin ordnet čuovgagovvenvázzima?: Vázzimiid mihttomearrin lea láhčit suohtas deaivvademiid čuovgagovvema olis, lebbet diđolašvuođa kulturárbbi mearkkašumis ja Wiki Loves Monuments -gilvvus, sihke roahkasmahttit olbmuid oassálastit dasa. Ovttas bargama bokte kulturárbbi temát báhcet buorebut millii, ja šielbmá oassálastit gilvui sáhttá leat vuollegut.

Áigi:Wiki Loves Monuments -gilvui sáhttá sáddet govaid čakčamánu áiggi. Nappo gánneha ordnet vázzima čakčamánus dahje juo borgemánus.

Čuozáhatjoavku: Buohkat leat bures boahtimat oassálastit Wiki Loves Monumentsii! Gilvvu guovddážis lea kulturárbbi vurken, muhto vuoitigovain lea dávjá alla teknihkalaš kvaliteahtta ja dat leat visuálalaččat atmosfearalaččat dahje kreatiivvalaččat. Nappo gilvu heive bures astoáigegovvejeaddjiide nu mo árgabeaivvi telefongovvejeaddjiidege.

Bálggis: Bálggis manná govvenčuozáhagas nubbái. Čuozáhagat válljejuvvojit gilvvu kárttás. Bálgá sáhttá ordnet ovdamearkka dihte iežas lagaš guvlui dahje historjjálaččat miellagiddevaš gávpotoassái, muhto dasa sáhttá válljet maiddái temá (omd. arkitektuvrii dahje áigodahkii laktáseaddji). Nuppi dáfus vázzin sáhttá leat govvenmohkki ovttaskas kulturárbečuozáhahkii (omd. Suomaladnái), man guovllus lea olu maid govvet.

Oassálastimearri: Oassálastiid stuorámus mearri lea gitta eanáš vázzima rámmain (gos doallat álgosáhkavuoru ja leago gáhtain sadji stuorát jovkui). Wikimedia Suoma čuovgagovvenvázzimiin stuorámus oassálastimearri lea dábálaččat sullii 20 olbmo.

Bistin: Mii ávžžuhit vázzima bistit 1-2 diimmu. Guhkitge vázzin doaibmá, juos oassálastit leat sávrrit. Maiddái sihkkelastinmohkki lea vejolaš.

Áigedávval: Álgui gánneha várret 10-20 minuhta áiggi álgosáhkavurrui, mas čilget gilvvu ulbmila ja njuolggadusaid. Go vázzimii gullá govven ja ságastallan, daid ritma molsašuddá oassálasti joavkku mielde. Muhtimat dárbbašit olu áiggi govvemii, ja nuppit gerget dalán. Gánneha plánet áigedávvala njuovžilin ja váldit várás muhtin badjelmearálaš čuozáhaga. Juos oassálastit leat olu, govvenbottuide sáhttá soahpat čielga bistima (omd. 15 min), man maŋŋá joatkit mátkki. Loahpat lea buorre mannat čađa Wikimedia Commonsii registrerema ja govaid luđema dohko. Guktot lihkostuvvet álkit gilvvu neahttasiidduid “Sádde čuovgagova!” -liŋkka bokte.

Evttohusat álgosáhkavuoru fáddán: Wiki Loves Monumentsa vuođđojurdda ja dan njuolggadusat, kulturárbbi vurkema mearkkašupmi, ovddit jagiid gilvogovat Suomas ja riikkaidgaskasaš gilvvus. Álgosáhkavuorus lea buorre máinnašit, ahte buohkat sáhttet luđet ja geavahit gilvui sáddejuvvon govaid Creative Commons BY-SA -liseanssa rájiid siste.

Dieđiheapmi: Eurohpá kulturbirasbeaivvit leat jagi 2024 Wiki Loves Monumentsa ovttasbargoguoibmi ja almmustahttet áinnas WLM-vázzimiid dáhpáhuskaleandaristtiset. Mii ávžžuhit geavahit fáddágilkoriid #wlmSuomi ja #wikilovesmonuments sosiála medias.

Manin oassálastit Wiki Loves Monumentsii?: Wiki Loves Monuments -gilvui oassálastin lea dehálaš, go juohke oassálasti govva stuorida min kulturárbbis muitaleaddji ja dan dokumenterejeaddji joatkašuvvama. Dat lea diehtočoagginprošeakta, mas gii beare sáhttá oassálastit min birrasa oktasaš muitalusa vurkemii, iežas geahččanguovllus. Wiki Loves Monumentsis šaddi govat leat dehálaš diehtogáldut máŋggalágan geavaheaddjiide Wikimedia Commonsa bokte. Dat dokumenterejit nuppástuvvi oidnosiid: dát áigi lea boahtteáiggi historjá. Danin gilvu lágiduvvo dávjá ovttasbarggus ovdamearkka dihte museadoaibmiiguin.

Váldde roahkkadit oktavuođa, jus dus leat gažaldagat vázzima ordnema birra! Mii gulašeimmet áinnas, juos don mearridat ordnet vázzima, ja sáhttit dieđihit vázzimis iežamet neahttasiidduin juos háliidat.