Áigedávval

  • Gilvu álgá: čakčamánu 1. beaivve
  • Gilvu nohká: čakčamánu 30. beaivve

Riikkaidgaskasaš gilvvu njuolggadusat

  1. Govva almmustahttojuvvo Wikimedia Commonsa dohkkehan rabas kulturliseanssain (Creative Commons Namat-JuogeSeammáláhkái 4.0 dahje rahpasappoin). Wikimedia Commons -bálvalus lea Wikimedia Foundationa rabas govvabáŋku. Govat seilot doppe maiddái gilvvu maŋŋá ja daid sáhttá ávkkástallat friddja, go čuovvu rabas liseanssa eavttuid.
  2. Govva sáhttá leat váldojuvvon goas beare, muhto dan galgá sáddet Wikimedia Commonsii gilvvu áigge.
  3. Govvejuvvon čuozáhat lea merkejuvvon govvenčuozáhagaid logahallamii ja čuozáhaga galgá dovdát govas.
  4. Govva galgá leat oasseváldi iežas váldin.
  5. Oasseváldi miehtá addit iežas šleađgapoastačujuhusa go registrere Wikimedia Commonsii, vai suinna sáhttá váldit oktavuođa juos son vuoitá.
  6. Suoma gilvui sáhttá oassálastit dušše Suomas váldojuvvon govaiguin. Riikkaidgaskasaš siiddus čájehit eará riikkaid našuvnnalaš gilvvuid, maidda lea vejolaš oassálastit daid guovlluin váldojuvvon govaiguin.
  7. Jury lahtut, Wikimedia Suomi rs bargit ja stivrralahtut eai sáhte vuoitit bálkkašumiid dahje oassálastit riikkaidgaskasaš gilvui Suoma oassegilvvu bokte.
  8. Govaid válddedettiin ii oaččo rihkkut ruovtturáfi, ja priváhtta guovllus govvemii galgá leat lohpi.
  9. Jurys lea vuoigatvuohta heivehit njuolggadusaid dárbbu mielde.

Ođđasit govven

  1. Ođđasit váldojuvvon govva galgá leat ođđasit ráhkaduvvon veršuvdna muhtin jo váldojuvvon ja friddja geavahahtti govas.
  2. Historjjálaš gova ja ođđasit govvejuvvon gova párat oassálastet Suoma gilvui.
  3. Ođđasit váldojuvvon govvapáraid ođđa govat oassálastet riikkaidgaskasaš gilvui, juos govva laktása registrerejuvvon kulturárbečuozáhahkii.

Fuomáš

Gilvogovaide heivejit buot Wikimedia Commonsa gáibádusat. Govat galget leat dahkkivuoigatvuođaid ektui rahpasat, iige daid geavaheami oaččo ráddjet maiddái ovdamearkka dihte čáhcemearkkaiguin. Maiddái dahkkivuoigatvuođaid vuollásaš čuozáhaga, dego bácci govven, dahje gova heajos teknihkalaš kvaliteahtta sáhttet dagahit gova hilguma. Loga lasi Wikimedia Commonsa geavadagain.

Govaid geavaheapmi

Gilvvus govat vurkejuvvojit Wikipedia atnin Wikimedia Commons -govvabáŋkui, gos dat seilot gilvvu maŋŋáge, ja leat friddja geavahanláhkái rabas liseanssa eavttuid mielde.

Gilvui oassálasti govaid dahkkivuoigatvuohta seailu govvejeaddjis, muhto govat lisensierejuvvojit rabas Creative Commons BY-SA 4.0 -liseanssain. Dat diktá juohkit ja muhttet govaid dainna eavttuiguin, ahte govvejeaddji namma ja gova gáldu máinnašuvvojit ja ahte derivatiiva duodji lisensierejuvvo seammá liseanssain.

Bálkkašumit

Suoma gilvvu vuoitán govva bálkkašuvvo 200 euro čuovgagovvenbierggasskeaŋkakoarttain. Logi buoremus gova bálkkašuvvojit Museakoarttain, ja dat ovdánit riikkaidgaskasaš gilvui. Ođđasitgovvenráiddu vuoiti oažžu 100 euro čuovgagovvenbierggasskeaŋkakoartta ja Museakoartta.