Äiʹǧǧtaull
- Ǩeâlbb algg čõhččmannu 1. peeiʹv
- Ǩeâlbb poott čõhččmannu 30. peeiʹv
Meeraikõskksaž ǩeâlb vuäʹpstõõzz
- Snimldõõǥǥ čõõđtet äävai kulttuurliseensin Creative Commons BY-SA 4.0 leʹbe äävjab), koon Wikimedia Commons lij priimmâm. Wikimedia Commons -kääzzkõs lij Wikimedia Foundation äävai snimldõkbaŋkk. Snimldõõǥǥ seilla toʹben ǩeâlb mâŋŋa še da lie friijâld ââʹnnemnalla jääʹǩǩteeʹl äävai liseens määinid.
- Snimldõõǥǥ vuäitt leeʹd snimmum kuäʹss pâi, leâša tõn âlgg vuõltteed Wikimedia Commons-sijddu čõhččmannu 2022 ääiʹj.
- Snimmum päiʹǩǩ lij miârkktum sniimmâmpääiʹǩi liʹstte da pääiʹǩ vuäitt tobddâd snimldõõǥǥâst.
- Snimldõk âlgg leeʹd vuässõõđi jiõčč sniimmâm.
- Vuässõõtti meästt uʹvdded neʹttpååʹštaddrõõzzâs registââʹđeeʹn Wikimedia Commons-sijddu, što lij vueiʹtlvaž väʹldded õhttvuõđ vuässõõđin, jõs son vuäitt ciist.
- Lääʹddjânnam ǩiõlbbu vuäitt vuässõõttâd pâi Lääʹddjânnmest snimmum snimldõõǥǥivuiʹm. Meeraikõskksaž seeidast leäʹt čuäʹjtum jeeʹres jânnmi meersaž ǩeâlbid, koid vuäitt vuässõõttâd tõõi jânnmi vuuʹdin snimmum snimldõõǥǥivuiʹm.
- Jury vuäzzla, Wikimedia Suomi ry personkåʹdd da halltõõzz vuäzzla jie vueiʹt vueiʹtted ciistid leʹbe vuässõõttâd meeraikõskksaž ǩiõlbbu Lääʹddjânnam vueʹssǩeâlb pääiʹǩ.
- Sniimeeʹn ij vuäǯǯ heâmmeed dommrääuh, da privatvuuʹdest sniimmʼmõʹšše âlgg leeʹd lååʹpp.
- Juryst lij vuõiggâdvuõtt suåvvted vuäʹpstõõzzid taarb mieʹldd.
Oʹđđest sniimmʼmõš
- Oʹđđest snimmum snimldõk âlgg leeʹd oʹđđest tueʹjjuum versio koon-ne vuäʹmm snimldõõǥǥâst, kååʹtt lij friijâld ââʹnnemnalla.
- Oʹđđest snimmum snimldõkpaarr vuässââtt Lääʹddjânnam ǩiõlbbu.
- Oʹđđest snimmum snimldõkpaar ođđ snimldõõǥǥ vuässâʹtte meeraikõskksaž ǩiõlbbu še, jõs snimldõk kollai õʹhtte registõttum kulttuuräʹrbbpääiʹǩin še.
Hoʹhss
Ǩeâlbbsnimldõõǥǥid kueʹsǩǩe puk Wikimedia Commons õõlǥtummuž. Snimldõõǥǥ âʹlǧǧe leeʹd raajjivuõiggâdvuõđ peäʹlest äävai, ij-ǥa tõid ni vuäǯǯ rääʹjted ouddmiârkkân čääʹccpječaatin. Snimldõõǥǥ vueiʹtteš heelǥeed teʹl še, jõs snimldõõǥǥâst lij raajjivuõiggâdvuõđ vuâllsaž äʹšš, ouddmiârkkân viârstõs, leʹbe snimldõk teknlaž kvaliteett lij hueʹnn. Looǥǥ lââʹzz Wikimedia Commons vuõʹjjin.
Snimldõõǥǥi âânnmõš
Ǩeâlbast snimldõõǥǥid ruõkkât Wikipedia âânnam Wikimedia Commons -snimldõkbaʹŋǩǩe, koʹst tõk seilla ǩeâlb mâŋŋa še da lie friijâld ââʹnnemnalla jääʹǩǩteeʹl äävai liseens määinaid.
Ǩiõlbbu vuässõõđi snimldõõǥǥi raajjivuõiggâdvuõđ seilla sniimmjest, leâša snimldõõǥǥ lisensiââʹstet äävai Creative Commons BY -SA 4.0 -liseensin. Tõt luâštt jueʹǩǩed da muʹtted snimldõõǥǥid tõn määinast, što sniimmi nõmm da snimldõõǥǥ käivv lie uvddum da ođđ muttum tuejjõõzz lisensiââʹstet seämma liseensin.
Ciist
Lääʹddjânnam ǩeâlb vuäittam snimldõʹǩǩe uuʹdet cisttân 200 eeur sniimmâmaaunâs-sǩiâŋkk-koort. Lååi pueʹrmõs snimldõõǥǥid uuʹdet cisttân Muʹzei-koort da tõk mâʹnne ooudâs meeraikõskksaž ǩiõlbbu. Oʹđđest sniimmâmrääid vuõiʹtti vuäǯǯ 100 eeur sniimmâmaaunâs-sǩiâŋkk-koort da Muʹzei-koort.