Maailm stuárráámus čuovâkuvvimkišto Wiki Loves Monuments läjidui Suomâst čohčâmáánust já jieškote-uv kuávluin maailmist 1.9.–31.10.2022. Teeman lâi taan tove kilelis ärbi, mii lii meiddei Euroop kulttuurpirâspeeivij iheteema. Suomâ uási vyeitten väljejui Teuvo Salmenjoki Hankost leijee Gustavsvärn lane kuvvijn.

Kišto tuámárij mielâst luándu já ulmuu muttem kulttuurärbi ovtâstuveh vyeitteekooveest mielâstuttee vuovvijn. Lane keđgiloigiittuvah asâttuveh kontrastân luándu hammim šoliskällein. Polvâfiärtu timmâ čuovâ tiäddut sehe enâduv já čuosâttuv luándu já addel máhđulâšvuođâ tarkkuđ ton ráhtus detaljijd. Kove linjááh asâttuveh ton koskâuásist mielâkiddiiváin vuovvijn ruossâsymbolin. Uáinimist lii cevzimmaainâs kaskoo korrâ luándu, tievâ suáluikuávlu ruábbáás muččâdvuođâ.

Palhâšummeen skeŋkkâkoortah já päikki almugijkoskâsâš kiišton

Suomâ kišto vuáittám kove palhâšuvvoo 200 euro čuovâkuvvimtarbâšskeŋkkâkorttáin. Love pyeremus kovveed palhâšuvvojeh Museokorttáin, já toh ovdáneh almugijkoskâsâš kiišton, mun puátuseh almostittojeh kuovâ-njuhčâmáánust.

Almugijkoskâsâš kiišton ovdánii Salmenjoki kuuvij lasseen čuávuvái kovvejeijei koveh:

 

 

 

 

 

 

 

 

Uđđâsistkuvvimrááiđust vyerkkejui enâduv nubástum

Suomâst uárnejui Wiki Loves Monuments -kišto ohtâvuođâst meiddei uđđâsistkuvvimráiđu, mast kovvejii uđđâsist historjálij čuovâkuuvij uáináttuvâid. Kištoost huámmášui eromâšávt Marit Henriksson kuvijnis Ruoholahti villain, Helsigist. Tot hämmee leikkiis paarâ čoovčâ čyeđe määrhi villaiguin oovtâst Eeva Rista 1970-lovvoost väldim kuvvijn.

Henriksson kove palhâšuvvoo 100 euro čuovâkuvvimtarbâšskeŋkkâkorttáin já Museokorttáin.

Mielâkiddiivááh koveh modernistlii arkitektuurist

Kiišton vuolgâttuvvojii 928 kovveed 55 uásálistest. Taan ive uárnejeijeeh ilosmii eromâšávt mielâkiddiiváin kuuvijn funktionalistlii já modernistlii kulttuuräärbist. Kiišton vuolgâttuvvojii meiddei koveh tagarijn kulttuurärbičuosâttuvâin, main Wikipediast iä lam ovdil koveh.

Wikimedia Suomi rs ornij kišto ohtsâšpargoost Euroop kulttuurpirâspeivijguin, Hyvinkää kaavpugmuseoin, Kerava museopalvâlussáin, Lapua kaavpug museoiguin, Museovirgáduvváin, Nurmijärvi museoin, Riihimäki kaavpugmuseoin sehe Tuusula museoin. Kišto uárnejui Suomâst jo kuuđâd tove. Mittomeerrin lii movtijdittiđ mield nuuvt vijđes olmoošjuávhu ko máhđulâš já toohâđ kulttuuräärbi uáinulâžžân já tobdosin.

Lasetiäđuh:

Kimmo Virtanen, Wikimedia Suomi rs
kimmo.virtanen@wikimedia.fi, +358 44 22 4007