Máilmmi stuorimus čuovgagovvengilvu Wiki Loves Monuments lágiduvvui Suomas čakčamánus ja iešguđetge guovlluin máilmmis 1.9.–31.9.2022. Temán lei dán háve suvdilis árbi, mii lea maiddái Eurohpá kulturbirasbeivviid jahketemá. Suoma oasi vuoitin válljejuvvui Teuvo Salmenjoki Hankos leahkki Gustavsvärna ladni govainis.

Gilvvu duopmáriid mielas luondu ja olbmo nuppástuhttin kulturárbi ovttastuvvaba vuoitigovas mielastuhtti vugiin. Ladni geađgelaiggastagat biddjojuvvojit kontrástii luonddu hábmen šleađuin. Balvafierttu dipma čuovga deattuha sihke eanadaga ja čuozáhaga luonddu ja addá vejolašvuođa seassat dan struktuvrra detáljaid. Gova linnját leat stellejuvvon dan gaskaoasis miellagiddevaš vugiin ruossasymbolan. Oaidnimis lea ceavzinmáinnas gasku garra luonddu, dievva suologuovllu rámšos čábbodaga.

Bálkkašupmin skeaŋkakoarttat ja báiki riikkaidgaskasaš gilvui

Suoma gilvvu vuoitán govvan bálkkašuvvo 200 euro čuovgagovvenbierggasskeaŋkakoarttain. Logi buoremus gova bálkkašuvvojit Museakoarttain, ja dat ovdánit riikkaidgaskasaš gilvui, man bohtosat almmustahttojuvvojit guovva-njukčamánu molsašumis.

Riikkaidgaskasaš gilvui ovdánedje Salmenjoki govaid lassin čuovvovaš govvejeaddjiid govat:

 

 

 

 

 

 

 

 

Ođđasitgovvenráiddus vurkejuvvui eanadaga nuppástuvvan

Suomas lágiduvvui Wiki Loves Monuments -gilvvu oktavuođas maiddái ođđasitgovvenráidu, mas govvejedje ođđasit historjjálaš čuovgagovaid oidnosiid. Gilvvus fuomášedje erenoamážit Marit Henrikssona govainis Ruoholahti villain, Helssegis. Dat hábme leaikás bára čavčča čuođi márkki villaiguin ovttas Eeva Rista 1970-logus váldin govain.

Henrikssona govva bálkkašuvvo 100 euro čuovgagovvenbierggasskeaŋkakoarttain ja Museakoarttain.

 

Miellagiddevaš govat modernisttalaš arkitektuvrras

Gilvui sáddejedje 928 gova 55 oassálastis. Dán jagi lágideaddji ilosmuvve erenoamážit miellagiddevaš govain funksjonalisttalaš ja modernisttalaš kulturárbbis. Gilvui sáddejedje maiddái olu govaid dakkár kulturárbečuozáhagain, main Wikipedias eai ovdal lean govat.

Wikimedia Suomi rs lágidii gilvvu ovttasbarggus Eurohpá kulturárbebeivviiguin, Hyvinkää gávpotmuseain, Kerava museabálvalusaiguin, Lapua gávpoga museaiguin, Museavirgedoaimmahagain, Nurmijärvi museain, Riihimäki gávpotmuseain sihke Tuusula museain. Gilvu lágiduvvui Suomas juo guđat háve. Ulbmilin lea movttiidahttit mielde nu viiddes olmmošjoavkku go vejolaš ja dahkat kulturárbbi oinnolažžan ja dovddusin.

Lassedieđut

Kimmo Virtanen, Wikimedia Suomi rs
kimmo.virtanen@wikimedia.fi, +358 44 22 4007